LIVE YOUR OWN LIFE - 2023 -
ခြုံငုံသုံးသပ်ချက်:မိသားစုတစ်ခုမှာ ကိုယ်ပဲရုန်းကန် ကိုယ်ပဲ အိမ်ထောင်ဦးစီးလုပ်ကာ တစ်မိသားစုလုံးကိုရှာကျွေးနေရတဲ့ သူတွေရှိကြပါလိမ့်မယ်။ ဒီကားမှာဆိုရင်လည်း ဟျိုရှင်း (UEE)ဟာ FITNESS TRAINER တစ်ယောက်အဖြစ် လုပ်ကိုင်ပြီး သူမရဲ့မွေးချင်းမောင်နှမလေးယောက်နဲ့ အမေဖြစ်သူကို ရှာကျွေးနေရသူတစ်ယောက်ပါ။ ငယ်ငယ်လေးကတည်းက ဖခင်ဖြစ်သူကြောင့် သူမရဲ့အမေမျက်ရည်ကျရတာကို ကြည့်ပြီး သူ့အမေ နောက်ထပ် မျက်ရည်မကျအောင် ထားမယ်ဆိုပြီး ကြိုးစားနေထိုင်လာတဲ့သူတစ်ဦးပါ။ သို့ပေမဲ့ အသက်အရွယ်ကြီးပြင်းလာတဲ့အခါ တစ်မိသားစုလုံးရဲ့ ပြဿနာရေးရာအဖြာဖြာ သူမခေါင်းပေါ်ကျရောက်လာတဲ့အခါမှာတော့ ဟျိုရှင်းတစ်ယောက် မိသားစုနဲ့ဝေးရာမှာ တစ်ဦးတစ်ယောက်တည်း နေထိုင်ချင်လာပါတော့တယ်။ ဒီလိုနဲ့ ဟျိုရှင်းတစ်ယောက် တစ်ဦးတည်းနေထိုင်ဖြစ်သွားမှာလား မိသားစုအရေးကိုရော ပစ်ပယ်ထားလို့ရပါ့မလား။ သူ့မဘဝထဲ တစ်စိတ်တစ်ပိုင်း ပါဝင်ပတ်သက်လာမယ့် ဂန်ထယ်ဟို (HA-JOON) ကရော သူမအတွက် အိုအေစစ်လေးဖြစ်ပေးနိုင်မှာလားဆိုတာတွေကို ရသစုံလင်စွာနဲ့ ကြည့်ရှုခံစားရမှာမို့လို့ မလွတ်တမ်းစောင့်မျှော်အားပေးကြပါဦးရှင်။ #victor_khai
မှတ်ချက်