Abominable and the Invisible City -
ခြုံငုံသုံးသပ်ချက်:ဒီ ကာတွန်းစီးရီးလေးကတော့ Abominable 2019 ရဲ့ အဆက်ပဲဖြစ်ပါတယ်။ ဆယ်ပိုင်းပါဝင်ပြီး တစ်ပိုင်းကို နာရီဝက်စီလောက်ကြာတာမို့ အဝကြည့်လို့ရမယ့် ကာတွန်းလေးပါပဲ။ မူရင်းဇာတ်လမ်းအတိုင်းပဲ ယီဆိုတဲ့ ကောင်မလေးတစ်ယောက်ဟာ ကျင်းဆိုတဲ့ ဆရာဝန်လောင်းလေးတစ်ယောက်ရယ် ဖန်းဆိုတဲ့ ငပေါကောင်လေးတစ်ယောက်ရယ်နဲ့ သူငယ်ချင်းကောင်းတွေပါပဲ။ ယီမှာ မေဆိုတဲ့ အမေနဲ့ နိုင်နိုင်းအဘွားတစ်ယောက်ရှိပါတယ်။ သူတို့တွေဟာ ရုပ်ရှင်ထဲမှာတုန်းက သူတို့အိမ်အပေါ်ထပ်ကို လာပုန်းနေတဲ့ အဲဗရက်စ်ဆိုတဲ့ မှော်အစွမ်းရှိတဲ့ နှင်းလူလေးတစ်ကောင်ကို အိမ်ပြန်နိုင်အောင်ကူညီခဲ့ပါတယ်။ အခုစီးရီးမှာတော့ အဲဗရက်စ်ဟာ သူ့ရဲ့နှင်းတောင်ကနေ ယီတို့ဆီကိုပြန်လာပြီး ယီတိုနဲ့အတူ မှော်သတ္တဝါမျိုးစုံရဲ့ အခက်အခဲတွေကို လိုက်ပြီးကူညီဖြေရှင်းပေးကြတဲ့ ဇာတ်လမ်းပဲဖြစ်ပါတယ်။ ရယ်ရသလို ချစ်ဖို့လည်းကောင်းတဲ့ ကာတွန်းစီးရီးလေးဖြစ်တာကြောင့် ကလေးလူကြီးမရွေးကြည့်နိုင်အောင် တင်ပေးလိုက်ပါတယ်။
မှတ်ချက်