Soft & Quiet 2022 -
ခြုံငုံသုံးသပ်ချက်:အမေရိကန်မှာ ထုတ်ပြီး လူမဲမပါတဲ့ကား နောက်ပိုင်းခေတ်မှာ မရှိသလောက်ရှားပါတယ်။ ကြည့်ဖူးတဲ့ထဲဆိုရင်တော့ မရှိကိုမရှိပါဘူး။ မဆီမဆိုင်တောင် ကြံဖန်ထည့်တဲ့ အဆင့်ဆိုတာလည်း အားလုံးအသိပဲပေါ့။ ဒီကားကတော့ ထူးခြားစွာနဲ့ လူမဲဆိုလို့ ဖြတ်လျှောက်တောင်မပါဘူး။ ဒီလိုမပါရတာလည်း ကားနဲ့ဆက်စပ်ပါတယ်။အမျိုးသမီးတစ်စုဟာ တွေ့ဆုံပွဲတစ်ခုကျင်းပပြီး ဟိုအကြောင်း ဒီအကြောင်းအတင်းတုပ်ရာက အမေရိကန်ပြည်ထောင်စုကြီးမှာ လူဖြူတွေရဲ့ အခွင့်အရေးကပဲ လျော့ကျနေကြောင်းတွေကို ဆွေးနွေးမိကြပါတယ်။ နောက် ခိုးဝင်တွေ တိုင်းတစ်ပါးက ပြောင်းလာတဲ့လူတွေကပဲ အလုပ်အကိုင်အခွင့်အလမ်းတွေကို သိမ်းယူထားကြောင်းပါ ဆွေးနွေးမိကြပြီး အဲဒီလူတွေကို မကျေမနပ်ဖြစ်လာပါရော။ဒီအတွက် မဂ္ဂဇင်းထုတ်ပြီးး ဝါဒဖြန့်ဖို့ပါ စီစဉ်ထားပြီးပါပြီ။ အပြန် စတိုးဆိုင်မှာ အရက်ဝင်ဝယ်ရာကနေ အမေရိကန်နိုင်ငံသူမဟုတ်တဲ့ ကောင်မလေး၂ယောက်နဲ့ ပက်ပင်းတိုးရာက သူတို့ဒေါသကိုမထိန်းနိုင်ခဲ့တဲ့ နောက်ဆက်တွဲတွေကို ရင်တထိတ်ထိတ်နဲ့ကြည့်ရမှာပါပဲ။
မှတ်ချက်